शांततेचा हक्क त्यांना पण आहे पण गेल्या ८ वर्षा पासून तो नेहमीच नाकारल्या जातोय, ५ लाखाच्या घरात कत्तली केव्हाच घड्ल्यात आणि आजही घडत आहेत आणि सगळा जग सुन्न होऊन पाहत आहे. ह्याची सुरवात झाली १७ डिसेंबर २०१० साली मोहम्मद बोऊजिजि नामक ट्यूनिशियन फळ वीक्रेत्या ने स्वतःहला जाळून घेतल्यानंतर आणि मग २०११ साली हुकुमशहा तानाशहा विरुद्ध सुरू झालेला अरब स्प्रिंग नावाच आंदोलन केव्हा सीरिया च गृहयुद्ध बनला हे जगाला कळला नाही असा आपण म्हणुच शकत नाही.
८०% सुन्नी मुस्लिम असलेल्या देशात एक Alawite शीया मुस्लिम हूकूमशहा म्हणून वावरतोय हे १९७१ साला पासून जगाच्या राजकारणाने पाहिलय मग अचानक असा काय घडला की सीरीया मधे ची अराजकता माजली आणि आता जे घोउटा मधे घडतंय ते असा एकएकी घडला नाहीए. गोष्टी २०११ साली सुरू झाल्या आणि आज मृत लोकांचा आकडा ५ लाखा च्या घरात आहे आणि नेहमी प्रमाणे आज पुन्हा प्रश्न विचारला जातोय
"Why world is silent on Syria???"
ट्युनिशीया मधे राजकीय स्वातंत्र्य मिळवण्यासाठी जे यशस्वी आंदोलन झाला त्याच्या प्रेरणेतून बाकी अरब देशाला बदलाची चाहूल लागली आणि त्यापैकी च एक होता सीरिया, ज्याला बदल घडवण्याची इच्छा झाली खरी पण ट्युनिशिया च्या बेन अली किंवा ईजिप्त च्या होसनी मुबारक सारख राजीनामा देऊन पायउतार होण्याचा मार्ग सीरियन राष्ट्राध्यक्ष बशर- अल- असद ने निवडला नाही आणि लीबियाच्या गद्दाफी सोबत जे घडला ते करण्यात ही सीरियन आंदोलकाना यश आला नाही.
पण त्यांच तेच अपयश पुढे सीरिया च गृहयुद्ध म्हणून आज जग पाहतय.
अरब स्प्रिंग च्या समर्थनार्थ सीरिया मधे शांततेच्या मार्गाने सुरू झालेला आंदोलन चिरड्ण्यासाठी असद ने जवळपास शम्भर आंदोलकांची कत्तल केली आणि किती तरी लोकांना तुरुंगात पाठवला आणि मग त्यानंतर सैन्यातल्या लोकांनी पक्षापाती धोरणाचा अवलम्ब करत "Free Syrian Army" नावाचा बंडखोर गट असद ची सत्ता उलथून टाकण्यासाठी स्थापन केला आणि त्यानंतर सुरू झाल सीरियन नागरी युद्ध (Syrian Civil War).
ह्या दरम्यान आंदोलन दडपण्यासाठी असद ने सेरेन नावाचा रसायना चा प्रयोग केला आणि ज्यात ७०० लोकांना आपला जीव गमवावा लागला त्याची जगाने तिव्र निंदा केली. सुरवातीला देशांतर्गत असलेल्या ह्या आंदोलन चिघळायला खरा हातभार लावला तो बाहेरच्या देशांनी, आंदोलन तीव्र होऊन बशर अल असद ची सत्ता जाणार वाटत असताना त्याच्या मदतीला धावून आला व्लादिमिर पुतीन चा रशिया आणि मग ह्याच रशिया च्या सल्ल्याने असद ने ती रसायनीक हत्यारे Organisation for the Prohibition Of Chemical Weapons कडे सुपूर्द केली ज्यासाठी ह्या संस्थेला २०१३ सालचा शांतते चा नोबेल पुरस्कार देखील मिळाला त्याचवेळी शिया बहुसंख्य असलेल्या इराक़ आणि ईरान आणि लेबनान स्थित हेज्बोल्लाह गटाने असद ला आपला पाठिम्बा देऊ केला, पण आता गोष्ट हाताबाहेर गेली होती टर्की, कतर, सौदी अरेबिया आणि जॉर्डन सारख्या सुन्नी राष्ट्रानी असद विरोधात बंडखोरांना आपला पाठिम्बा द्यायला सुरवात केली होती आणि अमेरिकेने असद विरोधी गटाला हत्यारांची मदत करायला सुरवात केली आणी त्याचवेळी इराक़ मधे स्थापन झालेल्या कट्टर इस्लामवादी ISIS किंवा ISIL गट म्हणूया आणी अल- कायदा चा भाग राहिलेले जभात- अल- नसरा आणी जभात फतेह अल- शाम असल्या कट्टर पंथी गटांनी तोवर सीरियन नागरी युद्धात आपले पाय रोवले होते.
ह्या मधे आणखीन एक गट स्वतःह च्या सामाजिक महत्वाकांक्षा घेऊन सीरिया च्या उत्तर भागात झटत होता जो होता कुर्द लोकांचा ज्यांच पहिल्या महायुद्धानंतर तीन राष्ट्रांत विभाजन झाला होता ज्यांना स्वतःहच कुर्दीस्तान हवा होता आणी त्यांच्या विरोधात उभा ठाकला होता टर्की ज्याचा ह्या गोष्टीला नेहमीच विरोध होता.
सारा काही स्वतःहच्या महत्वाकांक्षा आणी सोयीसाठी सुरू झाला आणी आजही तसच सुरू आहे, रशिया आणी अमेरिका सारख्या प्रगत देशांनी स्वतःहच सामर्थ्य आणी वर्चस्व सिद्ध करण्यासाठी ह्या देशांचा त्यांच्या धार्मिक अस्मितेचा पुरेपूर वापर केला आणी आज ही करत आहेत आणी ह्यात भरडला जातोय तो सीरिया चा सामान्य समाज.
सामन्याबद्दल आम्हांला किती कळवळा आहे हे दाखवण्याचा प्रयत्न हे सर्व राजकारणी नेहमीच करत आलेत पण ज्या ज्यावेळी सीरिया बद्दल काही निर्णय घेण्याची वेळ आली त्यावेळी रशिया आणी चीन ह्यांनी आपला नकाराधिकार वापरून हे सीरिया नावाच घोन्गड भिजत ठेवण्याला प्राधान्य दिला हा असला दुटप्पीपणा कदचीत त्यांच्या फायद्याचा असेलही पण आजवर जो अत्याचार घडलाय, घडत आहे त्याला जबाबदार कोण ह्याच उत्तर कधी मिळेल, ज्यांनी जीव गमावले त्यांना न्याय मिळण्याच राहीला पण जे जगत आहेत त्यांच्या जगण्याच्या हक्काचा कुणी बोलणार आहे का की सगळे मूग गिळून सीरिया मधे वाईट घडत आहे म्हणून शांतच बसणार आहेत.
खरच सीरिया बाबत जग का शांत आहे???
कोणत्याही टिप्पण्या नाहीत:
टिप्पणी पोस्ट करा